சீமந்தோநயனம்:

சீமந்தம் / சீமந்தோநயனம்:

இது சம்ஸ்காரங்களில் மூன்றாவது.
 சீமந்தோநயனம் என்றால் வகிடு பிரிக்கிறது என்று அர்த்தம்.
முதல் கர்ப்பத்தின் ஐந்தாம் மாசம் முதல் எட்டாம் மாசம் வரை செய்யலாம்.
இதில் முக்கியமாக வெள்ளை நிறம் இருக்கும் முள்ளம் பன்றி முள், நெற்கதிர், அத்தி  மரத்தின் சிறு கிளை இவைகளால் பெண்ணின் வகிடு பிரிக்கிறாங்க. (அதாவது நெற்றியில் ஆரம்பித்து மேல் நோக்கி இழுக்க வேண்டும்) இப்படி செய்கிறதால் பெண்ணின் மனதிலே இருக்கும் கிலேசங்கள் அகலும். சந்தோஷமா இருப்பாங்க. குழந்தையும் நல்லா இருக்கும்.

இதில் கூப்பிடுகிற தேவதை ராகா. இந்த தேவதை பௌர்ணமி, சந்திரனுக்கு தேவதை. அப்ப கர்ப்பம் பயனுள்ளதா இருக்கும்; முள்ளம்பன்றி முள் போல கூர்மையா புத்தி இருக்கும்; பூர்ண சந்திரம் போல குழந்தை அழகா இருக்கும்.

மந்திர அர்த்த சுருக்கம்:

ராகா தேவதையை வேண்டுகிறேன். இந்த கர்மா பழுதில்லாமல் இருக்கட்டும். என் மகன் கூர்மையான புத்தியுடன் இருக்கட்டும். ராகா நமக்கு நிறைய செல்வங்களையும் ஆயிரம் வகையில் அபிவிருத்திகளும் கொடுத்து வளர்க்க வேண்டும்.

இந்த கர்மா போது வாத்தியங்கள் குறிப்பாக வீணை வாசிக்க சொல்கிறங்க. . இது மன அமைதி தருவதோடு பால் தரும் திறனை அதிகப்படுத்துகிறதாம். பெண்களும் வீரனான குழந்தையை பெற்று எடுப்பாய் என்று பாடுவாங்களாம்.

பெண்ணின் தலையில் நெற்கதிரை வைக்க வேண்டும். எஜமானனும் கர்ப்பிணி மனைவியும் அன்று நக்ஷத்திர உதயம் வரை மௌனமாக உபவாசம் இருக்க வேண்டும்.