எதுவும் நிலை அல்ல நல்லறமே உயிர்க்கு உற்ற துணை

எதுவும் நிலை அல்ல நல்லறமே உயிர்க்கு உற்ற துணை

பாடல் :

பண்டம் பெய் கூரை பழகி விழுந்தக்கால்

உண்ட அப் பெண்டிரும் மக்களும் பின் செலார்

கொண்ட விரதமும் ஞானமும் அல்லது

மண்டி அவருடன் வழிநடவாதே.

திருமூலர்

விளக்கம் :

நன்மையும் தீமையையும் உள்ளனபோல் காணப்படும் இவ்வுடல்...

நாள்பட்டு மூப்புப் பிணியுற்றுச் இறப்பினை எய்தும். ....

எய்தவே, இந்த உடலாலும், உடல் உழைப்பாலும்

இந்த உடல் சம்பாதித்த சொத்துக்களினாலும் ,

அனைத்து ஐம்புலன் இன்பங்களும் அனுபவித்த , அறுசுவை உணவுகள் உண்ட

பெண்டிரும் மக்களும் தம் உடம்பினை துறந்து அந்த உயிருடன் பின் செல்லமாட்டார்கள் ..

அதுதான் உண்மை .. இருந்தாலும் அவர் வாழ்ந்த பொது செய்த நல்ல செயல்கள் ,

அவர் கொண்ட ஒழுக்கம் , இறைவன் திருவடி மீது கொண்ட சேவை , இவைகள் துணையாய் கூட வரும் ....

கருத்து :

உலகியற் பொருள்களும், செயல்களும் , இன்பங்களும் , எதுவும் நிலை அல்ல ..

ஆதலால் வாழும் காலத்தில் பிறர்க்கு பயனுள்ள செயல்களை ( புண்ணியச் செயல்கள் ) செய்க ...

அதுவே உயிர்க்கு உற்ற துணை