வருதினி ஏகாதசி

ஓர்ஏழை அந்தணர் கால்நடையாக காட்டு வழியில் தீர்த்த யாத்திரை சென்றுகொண்டிருந்தார். நல்ல வெயில். களைப்பு மேலிட்டதால் அவர் ஒரு மரத்தடியில்அமர்ந்து இளைப்பாறிக் கொண்டிருந்தார். அப்போது அங்கு வந்த வேடன் ஒருவன்அந்த அந்தணரை ஏளனமாகப் பேசி, அவரிடம் இருந்த சில பொருட்களையும்துணிகளையும் பறித்துக் கொண்டு அவரை விரட்டினான்.

கடும்வெயிலில் சுடுமணலில் மிகவும் சிரமப்பட்டு அவர் மெதுவாக நடந்து சென்றார்.அதைப் பார்த்த வேடனின் மனதில் சிறிதளவு இரக்க உணர்ச்சி தோன்றியது.தனக்குப் பயன்படாத கிழிந்துபோன செருப்பையும் நைந்துபோன பழைய குடையையும்அந்தணரிடம் கொடுத்தான். பின் அவன் தன் வழியே செல்லும்போது ஒரு புலி அவனைத்தாக்கிக் கொன்றது. அப் போது வானுலகிலிருந்து எம தூதர் கள் அந்த வேடனின்உயிரைக் கொண்டு போக வந்தார்கள். அதே சமயம் அங்கு வந்த விஷ்ணு தூதர்கள் எமதூதர்களைத் தடுத்தார்கள்.

""இவன்மகாபாவி! இவனை நரகத்திற்கு எடுத்துச் செல்ல வேண்டும். எங்களைத்தடுக்காதீர்கள்'' என்றனர் எம தூதர்கள். ""எம தூதர் களே! இந்த வேடன் வைகாசிமாதத் தில் செருப்பு, குடை தானம் செய்தி ருக்கிறான். அதனால் அவன் செய்தபாவங்கள் அவனை விட்டு அகன்று விட்டன. எனவே அவனை நாங்கள் வைகுண்டத்திற்குஅழைத்துச் செல்கிறோம்'' என்று கூறி, அவ் வேடனின் உயிரைக் கொண்டுசென்றார்கள் விஷ்ணு தூதர்கள். இத்தகைய சிறப்பு வாய்ந்தது வைகாசி மாதம்.

"மாதங்களில்நான் மார்கழியாய் இருக்கிறேன்' என்ற கிருஷ்ணனுக்கு மிகவும் பிரியமான மாதம்வைகாசி மாதமே. இந்த வைகாசி மாதத்தில் பகவான் மானிடர்களுக்கு நன்மை செய்யவேண்டும் என்றெண்ணி கங்கை, யமுனை, காவேரி, சிந்து, கோதாவரி, சரஸ்வதி,துங்கபத்ரா, கிருஷ்ணா போன்ற எல்லாப் புனித நதிகளையும் அழைத்து, அவர்களிடம்வைகாசி மாதத்தில் சூரிய உதயம் முதல் ஆறு நாழிகை வரை எல்லா தீர்த்தங்களிலும் தங்கி இருக்கும்படிக் கூறினார். அச் சமயம் நீராடுபவர்களின்பாவங்களைப் போக்கி, அவர்களுக்கு வேண்டிய வரங்களை அளிப்பேன் என்றும்கூறினார் ஸ்ரீமகாவிஷ்ணு. சகல புண்ணிய தீர்த்தங்களும், ""ஸ்வாமி! பாவி கள்எங்களிடம் விட்ட பாவத்தை நாங்கள் எப்படிப் போக்கிக் கொள்வது?'' எனக்கேட்டன.

""வைகாசி மாதம்முழுவதும் நீராட முடியா விட்டாலும் ஏகாதசி, துவாதசி, பௌர்ணமிதினங்களிலாவது நீராட வேண்டும். அதுவும் முடியாவிட்டால் வைகாசி மாதத்தின்கடைசி மூன்று நாட்களேனும் நீராட வேண்டும். அப்ப டிச் செய்யாதவர்களிடம்உங்களிடம் சேரும் பாவங்களை விட்டு விடுங்கள்'' என்றார் பரமாத்மா.

உலகைரட்சிக்கும் பகவான் தேவகணங்க ளுடன் இந்த மகிமை மிகுந்த வைகாசி மாதத்தில்ஒவ்வொரு வீட்டிற்கும் வருகை தருகிறார். அதுசமயம் நீராடி இறைவனைப்பூஜித்தபடி இருக்க வேண்டும் என்பது ஐதீகம். மேலும் இம்மாதத்தில் செய்கின்றஎல்லாவித தானங்களுக்கும் அபரிமிதமான பலன்கள் கிடைக்கும் என்பது ஆன்றோர்கூற்று!

வருதினி ஏகாதசி

மாதத்தில்இரண்டு ஏகாதசி திதிகள் வருகின்றன. இந்த ஏகாதசி நாளில் உபவாசம் இருப்பதுமிகவும் சிறப்பானது. ஏகாதசியன்று சந்திரனின் ஈர்ப்பு சக்தி பூமியில்அதிகரிக்கின்றது. இதனால் நமது ஜீரண உறுப்புகள் சரிவர வேலை செய்யாது.அதுசமயம் உபவாசம் இருப்பது உடலுக்கும் நல்லது; இறைவனின் அருளுக்கும்பாத்திரமாகலாம்.

வைகாசிமாதம் தேய்பிறையில் வருகின்ற ஏகாதசிக்கு வருதினி ஏகாதசி என்று பெயர். இந்தஏகாதசி விரதம் எல்லா வகையான பாவங்களையும் போக்கி சௌபாக்கியத்தைத்தரக்கூடியது. பிறவியைக் கடல் என்பார்கள். அந்தப் பிறவிக் கடலைக் கடக்க ஒருதெப்பம் தேவை. அந்தத் தெப்பமே இந்த ஏகாதசி விரதம் என்று சாஸ்திரங்கள்கூறுகின்றன.

இப்புனிதமானஏகாதசி விரதத்தை மாந்தா தாவும், துந்து மாறனும் அனுசரித்து மேலுலகம்அடைந்தார்கள் என்கிறது புராணம். பிரம்ம தேவனின் ஐந்தாவது தலையைக் கொய்தபாவத்திலிருந்து விடுபட வேண்டி சிவபெருமானே வருதினி ஏகாதசி விரதம் இருந்துபாவ விமோசனம் பெற்றார் என்கிறது ஏகாதசி புராணம். தானங்களில் மிகச்சிறந்தது அன்னதானம். அதைவிடச் சிறந்தது வித்யா தானம். அந்த வித்யா தானப்பலனை அளிக்கக் கூடியது இந்த வருதினி ஏகாதசி விரதம். அன்று செய்யும் சிறியதானமும் ஆயிரம் மடங்கு பலன் களை அளிக்கும்.