பரசுராமர் அவதாரமானது ஆவேச அம்சமாக- மிகக் கோபம் கொண்ட அவதாரமாகக் கருதப்படுகிறது. "க்ஷத்திரியர்களைப் பூண்டோடு அழிப்பேன்' என்று சபதம் செய்தவர் பரசுராமர். கார்த்தவீர்யாஜுனனைக் கொன்றவர். ராமாவதாரத்தில் ராமர் சீதாபிராட்டியை மணம்புரிந்து தசரதர் முதலியவர்களுடன் அயோத்தி செல்லும் வழியில், பரசுராமரும் ராமரும் எதிரெதிரே சந்தித்துக் கொண்டார்கள். தேவ ரகசியப்படி பரசுராமரை அழிக்க ராமபாணம் பிரயோகிக்கப்பட்டது. ராமர் விடும் பாணமானது இலக்கை அழித்துவிட்டு மீண்டும் ராமரிடமே திரும்பிவிடும் தன்மை கொண்டது. ராமரை எதிர்க்க முடியாத பரசுராமர், தன் தவசீலங்களை ராமபாணத்திற்கு இரையாக்கி, தன்னை விட்டுவிடும்படி ராமரிடம் வேண்டிக்கொண்டார். அதனை ஏற்ற ராமர், "பரசுராமர் கேரள மாநிலத்திற்குச் சென்று தவசீலராய்த் திகழ வேண்டும்' என்று கேட்டுக் கொண்டார். இத்தகைய காரணங்களால் கேரள மாநிலம் முழுவதுமே பரசுராம க்ஷேத்திரம் என்று புகழப் பெற்ற போதிலும், அவருக்கு அர்ச்சாவதாரத் திருவுருவம் அல்லது தனித் திருக்கோவில் இருப்பதாகத் தெரியவில்லை.
"கற்பார் ராமபிரானையன்றி மற்றும் கற்பரோ' என்ற ஆழ்வார் பாசுரப்படி, ராமருக்கு அவதாரத் தலமான அயோத்தியில் மட்டுமின்றி நாடெங்கும் பல தலங்கள் அமைந்துள்ளன. மேலும் ராமர் பல சந்நிதிகளில் கோதண்டராமராகவும் பட்டாபிராமராகவும் யோக ராமராகவும் சயனகோலத்திலும் காட்சியளிக்கும் பல தலங்கள் அமைந்துள்ளன. தசாவதாரங்களில் நரசிம்ம, ராம, கிருஷ்ண அவதாரங்களில் ஈடுபாடு கொண்டவர்களே அதிகம். அதனால் இப்பெருமான்களுக்கு கோவில்களும் அதிகம். தனிக்கோவில்கள் தவிர மற்றைய பல திருக்கோவில்களிலும் இவர்களுக்குச் சந்நிதிகள் அமைந்துள்ளதைக் காணலாம்.
அடுத்தபடியாக பலராம அவதாரத்தைப் பொறுத்தமட்டில் வடஇந்தியாவிலுள்ள பூரியில் கிருஷ்ணர், சுபத்ரையுடன் பலராமர் காட்சியளிக்கிறார். திருவல்லிக்கேணி பார்த்தசாரதி திருக்கோவிலில் மூலஸ்தானத்தில் பலராமர், ருக்மிணி, வேங்கடகிருஷ்ணன், சாத்யகி, அநிருத்தன், பிரத்யும்னன் என்று, பார்த்தசாரதி தன் மனைவி, அண்ணன், தம்பி, மகன், பேரனுடன் குடும்ப சகிதமாய்க் காட்சியளிக்கிறார். கிருஷ்ண பகவானுக்கோ தென்னாட்டிலும் வடநாட்டிலும் ஏன் அயல்நாடுகளிலும்கூடத் திருக்கோவில்கள் அமைந்துள்ளதை அனைவரும் அறிவர்.
நரசிம்ம, ராம, கிருஷ்ண அவதாரங்களை நரசிம்மம், ராகவ சிம்மம், யாதவ சிம்மம் என்று சிம்மத்துடன் ஒப்பிடுவர்.
(இதுபோன்று ராமானுசர் "யதிசிம்மம்' என்று போற்றப்படுவதையும் இங்கு நினைவில் கொள்ள வேண்டும்.)
ஆழ்வார்களும் ஆசாரியர்களும் பல திருத்தல எம்பெருமான்களைக் கிருஷ்ணனாகவே அனுபவித்துள்ளனர். திருக்கண்ணங்குடி, திருக்கண்ணமங்கை, திருக்கண்ணபுரம், திருக்கவித்தலம் மற்றும் திருக்கோவலூர் ஆகிய ஐந்து தலங்களும் பஞ்ச கிருஷ்ணாரண்ய க்ஷேத்ரங்கள் என்றே போற்றப்படுகின்றன.
பஞ்ச துவாரகா, பிருந்தாவனம், வட மதுரை போன்ற வடநாட்டுத் திருத் தலங்களும்; உடுப்பி, குருவாயூர், ராஜ மன்னார்குடி போன்ற தென்னாட் டுத் தலங்களும் யார் மனதை விட்டகலும்?
தசாவதாரங்களுக்கு ஸ்ரீரங்கத்தில் தனிக்கோவிலே அமைந்துள்ளது. சென்னை பெசன்ட் நகர் அஷ்டலக்ஷ்மி கோவிலிலும் தசாவதார சந்நிதி உண்டு.
திருவரங்கனே தசாவதாரங்களை எடுத்தவன் என்று குறிப்பிடுகிறார் ஸ்வாமி தேசிகன். தசாவதார ஸ்தோத்திரத்தையும் எழுதியுள்ளார். இவரின் ஆராதனைத் தெய்வமான ஹயக்ரீவரும் திருமால் எடுத்த அவதாரங்களில் ஒன்று என்றும் குறிப்பிடுகிறார். திருக்கோவில்களில் விழாக்காலங்களில் பெருமாளுக்கு தசாவதார அலங்காரங்கள் செய்யப்படுகின்றன.
தசாவதாரங்கள் ஒவ்வொன்றும் ஒவ்வொரு கிரக பீடைகளிலிருந்து நம்மை விடுவிக்கும் என்று குறிப்பிடுகிறார் ஸ்வாமி தேசிகன்.
ஸ்ரீராம அவதாரம்- சூரியன்
ஸ்ரீகிருஷ்ண அவதாரம்- சந்திரன்
ஸ்ரீநரசிம்ம அவதாரம்- செவ்வாய்
ஸ்ரீகல்கி அவதாரம்- புதன்
ஸ்ரீவாமன அவதாரம்- வியாழன்
ஸ்ரீபரசுராம அவதாரம்- சுக்கிரன்
ஸ்ரீகூர்ம அவதாரம்- சனி
ஸ்ரீவராக அவதாரம்- ராகு
ஸ்ரீமத்சய அவதாரம்- கேது
ஸ்ரீபலராம அவதாரம்- குளிகன்
ஸ்ரீபவிஷ்ய புராணத்தில், கலியுகத்தில் நிகழப்போகும் அரசவம்சம், காலநிலை, கல்கி அவதாரம் போன்றவற்றுடன், பாரத தேசம் மட்டுமல்லாது அயல்நாட்டு ஆட்சியாளர்கள், அவர்களது மதம், பழக்க- வழக்கம் பற்றியும் தெளிவாகக் கூறப்பட்டுள்ளதாக ஆன்றோர்கள் கூறுகின்றனர்.
"சாதுக்களை ரட்சிப்பதற்கும் தர்மத்தைக் காப்பாற்றவும் நான் அவதாரம் எடுக்கப் போகிறேன்' என்ற கீதா வாக்குப்படி, உலகம் போகும் போக்கைக் கண்காணித்து வரும் ஜெகத்ரட்சகன், விரைவில் கல்கி அவதாரம் எடுத்து உலகத்தைக் காக்க வேண்டுமென அவன் தாள் பணிந்து போற்றுவோம்.
"கற்பார் ராமபிரானையன்றி மற்றும் கற்பரோ' என்ற ஆழ்வார் பாசுரப்படி, ராமருக்கு அவதாரத் தலமான அயோத்தியில் மட்டுமின்றி நாடெங்கும் பல தலங்கள் அமைந்துள்ளன. மேலும் ராமர் பல சந்நிதிகளில் கோதண்டராமராகவும் பட்டாபிராமராகவும் யோக ராமராகவும் சயனகோலத்திலும் காட்சியளிக்கும் பல தலங்கள் அமைந்துள்ளன. தசாவதாரங்களில் நரசிம்ம, ராம, கிருஷ்ண அவதாரங்களில் ஈடுபாடு கொண்டவர்களே அதிகம். அதனால் இப்பெருமான்களுக்கு கோவில்களும் அதிகம். தனிக்கோவில்கள் தவிர மற்றைய பல திருக்கோவில்களிலும் இவர்களுக்குச் சந்நிதிகள் அமைந்துள்ளதைக் காணலாம்.
அடுத்தபடியாக பலராம அவதாரத்தைப் பொறுத்தமட்டில் வடஇந்தியாவிலுள்ள பூரியில் கிருஷ்ணர், சுபத்ரையுடன் பலராமர் காட்சியளிக்கிறார். திருவல்லிக்கேணி பார்த்தசாரதி திருக்கோவிலில் மூலஸ்தானத்தில் பலராமர், ருக்மிணி, வேங்கடகிருஷ்ணன், சாத்யகி, அநிருத்தன், பிரத்யும்னன் என்று, பார்த்தசாரதி தன் மனைவி, அண்ணன், தம்பி, மகன், பேரனுடன் குடும்ப சகிதமாய்க் காட்சியளிக்கிறார். கிருஷ்ண பகவானுக்கோ தென்னாட்டிலும் வடநாட்டிலும் ஏன் அயல்நாடுகளிலும்கூடத் திருக்கோவில்கள் அமைந்துள்ளதை அனைவரும் அறிவர்.
நரசிம்ம, ராம, கிருஷ்ண அவதாரங்களை நரசிம்மம், ராகவ சிம்மம், யாதவ சிம்மம் என்று சிம்மத்துடன் ஒப்பிடுவர்.
(இதுபோன்று ராமானுசர் "யதிசிம்மம்' என்று போற்றப்படுவதையும் இங்கு நினைவில் கொள்ள வேண்டும்.)
ஆழ்வார்களும் ஆசாரியர்களும் பல திருத்தல எம்பெருமான்களைக் கிருஷ்ணனாகவே அனுபவித்துள்ளனர். திருக்கண்ணங்குடி, திருக்கண்ணமங்கை, திருக்கண்ணபுரம், திருக்கவித்தலம் மற்றும் திருக்கோவலூர் ஆகிய ஐந்து தலங்களும் பஞ்ச கிருஷ்ணாரண்ய க்ஷேத்ரங்கள் என்றே போற்றப்படுகின்றன.
பஞ்ச துவாரகா, பிருந்தாவனம், வட மதுரை போன்ற வடநாட்டுத் திருத் தலங்களும்; உடுப்பி, குருவாயூர், ராஜ மன்னார்குடி போன்ற தென்னாட் டுத் தலங்களும் யார் மனதை விட்டகலும்?
தசாவதாரங்களுக்கு ஸ்ரீரங்கத்தில் தனிக்கோவிலே அமைந்துள்ளது. சென்னை பெசன்ட் நகர் அஷ்டலக்ஷ்மி கோவிலிலும் தசாவதார சந்நிதி உண்டு.
திருவரங்கனே தசாவதாரங்களை எடுத்தவன் என்று குறிப்பிடுகிறார் ஸ்வாமி தேசிகன். தசாவதார ஸ்தோத்திரத்தையும் எழுதியுள்ளார். இவரின் ஆராதனைத் தெய்வமான ஹயக்ரீவரும் திருமால் எடுத்த அவதாரங்களில் ஒன்று என்றும் குறிப்பிடுகிறார். திருக்கோவில்களில் விழாக்காலங்களில் பெருமாளுக்கு தசாவதார அலங்காரங்கள் செய்யப்படுகின்றன.
தசாவதாரங்கள் ஒவ்வொன்றும் ஒவ்வொரு கிரக பீடைகளிலிருந்து நம்மை விடுவிக்கும் என்று குறிப்பிடுகிறார் ஸ்வாமி தேசிகன்.
ஸ்ரீராம அவதாரம்- சூரியன்
ஸ்ரீகிருஷ்ண அவதாரம்- சந்திரன்
ஸ்ரீநரசிம்ம அவதாரம்- செவ்வாய்
ஸ்ரீகல்கி அவதாரம்- புதன்
ஸ்ரீவாமன அவதாரம்- வியாழன்
ஸ்ரீபரசுராம அவதாரம்- சுக்கிரன்
ஸ்ரீகூர்ம அவதாரம்- சனி
ஸ்ரீவராக அவதாரம்- ராகு
ஸ்ரீமத்சய அவதாரம்- கேது
ஸ்ரீபலராம அவதாரம்- குளிகன்
ஸ்ரீபவிஷ்ய புராணத்தில், கலியுகத்தில் நிகழப்போகும் அரசவம்சம், காலநிலை, கல்கி அவதாரம் போன்றவற்றுடன், பாரத தேசம் மட்டுமல்லாது அயல்நாட்டு ஆட்சியாளர்கள், அவர்களது மதம், பழக்க- வழக்கம் பற்றியும் தெளிவாகக் கூறப்பட்டுள்ளதாக ஆன்றோர்கள் கூறுகின்றனர்.
"சாதுக்களை ரட்சிப்பதற்கும் தர்மத்தைக் காப்பாற்றவும் நான் அவதாரம் எடுக்கப் போகிறேன்' என்ற கீதா வாக்குப்படி, உலகம் போகும் போக்கைக் கண்காணித்து வரும் ஜெகத்ரட்சகன், விரைவில் கல்கி அவதாரம் எடுத்து உலகத்தைக் காக்க வேண்டுமென அவன் தாள் பணிந்து போற்றுவோம்.
No comments:
Post a Comment